काठमाडौं । अपी पावर कम्पनी लिमिटेडले निष्कासन गरेको हकप्रद शेयर बाँडफाँड भएको छ ।
कम्पनीले ५६ लाख ७० हजार कित्ता हकप्रद शेयर बिक्री खुला गरेकोमा ४३ लाख २३ हजार ७८२ कित्ताका लागि मात्र आवेदन परेको छ । १३ लाख ४६ हजार २१८ कित्ता हकप्रद बिक्री भएन ।
बिक्री नभएको बाँकी शेयर लिलामीमा ल्याउने अपीले जनाएको छ । कम्पनीले कात्तिक १४ देखि मंसिर ४ गतेसम्म ५६ लाख ७० हजार कित्ता हकप्रद सेयर बिक्री खुला गरेको थियो ।
अपीको चुक्तापुँजी १ अर्ब ९ करोड ७ लाख रुपैयाँ रहेको छ । हकप्रद र बाँकी रहेको शेयर लिलामीमा बिक्री भएपछि चुक्ता पुँजी १ अर्ब ७५ करोड हुनेछ ।
वि.सं.२०७७ मंसिर २२ सोमवार १२:०३ मा प्रकाशित
