काठमाडौं । नेपाल स्टक एक्सचेञ्ज (नेप्से) ले शुक्रवार अरुण भ्याली हाइड्रोपावरको बोनस शेयरको मूल्य समायोजन गरेको छ ।
नेप्सेले ५ प्रतिशत बोनस शेयरको समायोजनपछि शेयरमूल्य रू. २३४ तोकेको छ । कम्पनीको बिहीवार कायम अन्तिम शेयरमूल्य रू. २४६ को आधारमा शेयरमूल्य समायोजन भएको हो ।
कम्पनीले लाभांश तथा साधारण सभा प्रयोजनार्थ शुक्रवार बुकक्लोज गरेसँगै नेप्सेले शेयरमूल्य समायोजन गरेको हो । बुक क्लोजको आधारमा बिहीवारसम्म कायम शेयरधनीहरुले मात्र सभामा भाग लिन र लाभांश प्राप्त गर्न सक्नेछन् ।
कम्पनीले ५ प्रतिशत बोनस शेयर र शून्य दशमलव २६ प्रतिशत नगद लाभांश पारित गर्न पुस ८ गते २३औं वार्षिक साधारण सभा बोलाएको छ ।
वि.सं.२०७७ मंसिर २६ शुक्रवार ११:०३ मा प्रकाशित