काठमाडौं । साधना लघुवित्त वित्तीय संस्थाले २० प्रतिशत लाभांश वितरण गर्ने भएको छ । संस्थाले गत आर्थिक वर्षको मुनाफाबाट लाभांश वितरण गर्ने हो ।
कम्मपनीको मंसिर २५ गते बसेको सञ्चालक समितिको बैठकले आर्थिक वर्ष २०७६/७७ को वितरणयोग्य मुनाफाबाट १९ प्रतिशत बोनस शेयर र कर प्रयोजनका लागि १ प्रतिशत नगद लाभांशसमेत गरी २० प्रतिशत लाभांश वितरण गर्ने घोषणा गरेको हो।
हाल कम्पनीको चुक्तापूँजी रू. २१ करोड ७७ लाख ८० हजार रहेको छ । सोही पूँजीको आधारमा कम्पनीले लाभांश वितरणको तयारी गरेको छ । प्रस्तावित उक्त लाभांश नेपाल राष्ट्र बैंकको स्वीकृति पश्चात कम्पनीको आगामी वार्षिक साधारण सभाले पारित गरेपछि वितरण गरिनेछ ।
वि.सं.२०७७ मंसिर २८ आइतवार ११:४० मा प्रकाशित
