काठमाडौं । ग्लोबल आइएमई लघुवित्त वित्तीय संस्थाले २८ दशमलव ९२ प्रतिशत लाभांश वितरण गर्ने प्रस्ताव गरेको छ ।
कम्पनीले गत आर्थिक वर्षको नाफाबाट शेयरधनीलाई लाभांश वितरण गर्ने घोषणा गरेको हो । कम्पनीको आइतवार सम्पन्न सञ्चालक समितिको बैठकले २७ दशमलव ४७ प्रतिशत बोनस शेयर र कर प्रयोजनका लागि १ दशमलव ४५ प्रतिशत नगद लाभांशसमेत गरी कुल २८ दशमलव ९२ प्रतिशत लाभांश वितरण गर्ने प्रस्ताव गरेको हो ।
प्रस्तावित लाभांश नियामक निकाय नेपाल राष्ट्र बैंक र कम्पनीको वार्षिक साधारण सभाबाट पारित भएपश्चात मात्र शेयरधनीले पाउने छन् । हाल कम्पनीको चुक्तापूँजी २५ करोड ९५ लाख ७५ हजार १२५ रुपैयाँ रहेको छ । सोही पूँजीको आधारमा कम्पनीले लाभांश प्रस्ताव गरेको हो ।
वि.सं.२०७७ मंसिर २९ सोमवार ०८:५९ मा प्रकाशित
