काठमाडौं । कृषि विकास बैंकले १५.७८ प्रतिशत लाभांश दिने घोषणा गरेको छ । बैंकले गत आर्थिक वर्षको मुनाफाबाट उक्त लाभांश वितरण गर्ने लाभांश घोषणा गरेको हो ।
बैंकको सोमवार विहान बसेको सञ्चालक समितिको बैठकले १५ प्रतिशत बोनस शेयर र कर प्रयोजनको लागि शून्य दशमलव ७८ प्रतिशत नगद लाभांश वितरण गर्ने प्रस्ताव गरेको हो ।
यसैगरी बैंकले सरकारको अग्राधिकार शेयरमा पनि ६ प्रतिशतका दरले नगद लाभांश वितरण गर्ने घोषणा गरेको छ। प्रस्तावित लाभांश राष्ट्र बैंकको स्वीकृति र बैंकको आगामी साधारणसभाले पारित गरेपछि शेयरधनीले पाउनेछन् ।
वि.सं.२०७७ मंसिर २९ सोमवार ११:०८ मा प्रकाशित
