काठमाडौं । नेपाल इन्भेष्टमेन्ट बैंकले सेयरधनीहरुलाई १८.५० प्रतिशत लाभांश दिने प्रस्ताव गरेको छ ।
बैंकको आइतबार बसेको सञ्चालक समिति बैठकले गत वर्षको नाफाबाट १३ प्रतिशत बोनस सेयर र ५.५० प्रतिशत नगद लाभांश दिने प्रस्ताव गरेको हो ।
बैंकले यसपटक १ अर्ब ८५ करोड २३ लाख रुपैयाँ बराबरको बोनस सेयर बाँड्ने भएको छ । ७८ करोड ३६ लाख रुपैयाँ नगद लाभांश वितरण गर्नेछ ।
नेपाल राष्ट्र बैंकबाट स्वीकृत र आगामी साधारणसभाले अनुमोदन गरेपछि लगानीकर्ताले लाभांश पाउने भएका छन् । गत वर्ष इन्भेष्टमेन्टले १०.५ प्रतिशत बोनस सेयर र ८.५ प्रतिशत नगद गरी १९ प्रतिशत लाभांश वितरण गरेको थियो ।
वि.सं.२०७७ पुस ५ आइतवार ११:०८ मा प्रकाशित
