काठमाडौं । ग्लोबाल आईएमई बैंक लिमिटेडले १४औं वार्षिक साधारणसभा पुस २९ गते डाकेको छ । बैंकले रजिष्टर्ड कार्यालय, कमलादी काठमाडौंमा बिहान १० बजे सभा डाकेको हो ।
तर, विश्वभर फैलिएको कोभिड–१९ महामारीको कारण सरकारले तोकेको मापदण्ड बमोजिम भर्चुअल माध्यमबाट सभा सञ्चालन गरिने बैंकले जनाएको छ ।
सभाले आर्थिक वर्ष २०७६/७७ को मुनाफाबाट हाल कायम रहेको चुक्तापूँजीको २ प्रतिशत नगद लाभांश र १४ प्रतिशत बोनश शेयर वितरण गर्ने प्रस्ताव पारित गर्नेछ ।
संस्थापक शेयरधनी समूहबाट २ जना र सर्वसाधारण शेयरधनी समूहबाट ३ जनासमेत गरी ६ जना संचालकको निर्वाचन गर्ने प्रस्ताव पनि सभाले पारित गर्नेछ । त्यस्तै सभामा स्वतन्त्र सञ्चालक नियुक्ति सम्बन्धी जानकारी पनि दिइने छ ।
बैंकले अन्य कुनै बैंक तथा वित्तीय संस्थासँग मर्जर र प्राप्ति गर्ने वा स्वदेशी/विदेशी रणनीतिक साझेदारीमा जान आवश्यक सहमति वा सम्झौता लगायतका काम गर्न सक्ने अख्तियारी सञ्चालक समितिलाई प्रदान गर्ने प्रस्ताव सभामा छलफल भई पारित हुने छ ।
वि.सं.२०७७ पुस ८ बुधवार ०८:२५ मा प्रकाशित
