काठमाडौं । चन्द्रागिरी हिल्स लिमिटेडले स्थानिय बासिन्दाको लागि निष्कासन गरेको आईपीओ आज (बुधवार) बाँडफाँट गर्ने भएको छ ।
कम्पनीले बुधवार दिनको ३ बजे ग्लोबल आइएमई क्यापिटलको कार्यालय नक्सालमा आईपीओ बाँडफाँट गर्ने जानकारी गराएको हो ।कम्पनीले स्थानिय बासिन्दाका लागि मंसिर २७ गतेदेखि पुस १ गतेसम्म ३ लाख ६ हजार ८१९ कित्ता आईपीओ निष्कासन गरेको हो ।
कम्पनीले थानकोट गाविसका सम्पूर्ण वडाहरु तथा साविक महादेवस्थान गाविसका वाड नं ३, ४, ५, ६, ७ र ८ एवम् मकवानपुर जिल्ला अन्तर्गत थाहा नगरपालिका वडा नं ९ र १० (साविक चित्लाङ गाविसका सम्पूर्ण वडाहरु) र इन्द्रसरोबर गाउँपालिका वडानं ५ (साविक फाखेल गाविसका सम्पूर्ण वडाहरु) मा स्थायी बसोबास गर्ने नेपाली नागरिकहरुलाई आईपीओ निष्कासन गरेको थियो ।
कम्पनीको धितोपत्र निष्कासन तथा विक्री प्रबन्धक ग्लोबल आइएमई क्यापिटल लिमिटेड रहेको छ ।
वि.सं.२०७७ पुस १५ बुधवार ११:५२ मा प्रकाशित