काठमाडौं । मंगलवार बम्पर लाभांश प्रस्ताव सार्वजनिक गरेको शिखर इन्स्योरेन्सको सर्वाधिक रकमको शेयर कारोबार भएको छ ।
यो दिन १ बजेर ३० मिनेटसम्मको कारोबारमा उक्त कम्पनीको रू. ४९ करोड २९ लाख ७० हजार बराबरको शेयर कारोबार भएको हो । कम्पनीले ३० प्रतिशत हकप्रद पश्चात कायम चुक्तापूँजीको आधारमा २९ दशमलव २३ प्रतिशत लाभांश प्रस्ताव गरेको हो ।
हकप्रद पश्चात कायम चुक्तापूँजी रू. १ अर्ब ३७ करोड ४५ लाख ३ हजारको आधारमा कम्पनीले २७ दशमलव ७७ प्रतिशत बोनस शेयर र १ दशमलव ४६ प्रतिशत नगद लाभांश वितरण गर्ने प्रस्ताव गरेको हो ।
आर्थिक वर्ष ०७५/७६ को मुनाफाबाट लाभांश वितरण नगरेको उक्त कम्पनीले आर्थिक वर्ष ०७६÷७७ को मुनाफाबाट पनि बम्पर लाभांश वितरण गर्न लागेको हो ।
वि.सं.२०७७ पुस २१ मंगलवार १३:३१ मा प्रकाशित