काठमाडौं । नेपाल स्टक एक्सचेञ्ज (नेप्से)ले बुधवार नेपाल इन्भेष्टमेण्ट बैंकको बोनस शेयरको मूल्य समायोजन गरेको छ । नेप्सेले १३ प्रतिशत बोनस शेयरको समायोजनपछि शेयरमूल्य रू. ४७८ तोकेको छ ।
कम्पनीको अघिल्लो कारोबारको दिन अर्थात मंगलवार कायम अन्तिम शेयरमूल्य रू. ५४० को आधारमा शेयरमूल्य समायोजन भएको हो ।कम्पनीले लाभांश तथा साधारण सभा प्रयोजनार्थ बुधवार बुकक्लोज गरेसँगै नेप्सेले शेयरमूल्य समायोजन गरेको हो ।
कम्पनीले १३ प्रतिशत बोनस शेयर ५ दशमलव ५० प्रतिशत नगद लाभांश वितरण गर्ने प्रस्ताव पारित गर्न माघ ८ गते दरबारमार्गमा ३४औं साधारण सभा आयोजना गरेको छ । कम्पनीले सभा आफ्नै केन्द्रिय कार्यालय, काठमाडौंमा बिहान १० बजे वार्षिक साधारण सभा बोलाएको छ ।
वि.सं.२०७७ पुस २२ बुधवार १०:४८ मा प्रकाशित
