काठमाडौं । कम्पनी रजिष्ट्रार कार्यालयले समयमा लेखा परिक्षण गर्न नसकेर साधारणसभा गर्न नसकेका ७१ वटा बैंक तथा वित्तीय संस्थाहरुलाई कारवाही गर्ने भएको छ ।
कम्पनी ऐनले तोकेको समय चालु आर्थिक वर्षको अनुमानित आयकर विवरण पुस मसान्तसम्म यी वित्तीय संस्थाहरुले बुझाउन नसकेपछि कारवाही गर्न परेको रजिष्ट्रार कार्यालयले जनाएको छ ।
कम्पनी ऐन २०६३ को दफा ५१,७६,र ९२ ले गरेको व्यवस्था अनुसार पब्लिक कम्पनी अद्यावधिक गर्नुपर्ने म्याद पुस मसान्तसम्म मात्र हो ।उक्त व्यवस्थाअनुसार आव २०७६/७७ को लेखा परिक्षणपछिको आयकर विवरण आव सकिएको ६ महिना भित्रै अर्थात पुस मसान्तभित्रै बुझाइसक्नुपर्ने हुन्छ ।
सार्वजनिक कम्पनीले साधारण सभा हुनु २१ दिन अगाडी सभा हुने मिती, स्थान र एजेण्डासहित सार्वजनिक सुचना जारी गर्नुपर्थ्यो । १९ विकास बैंक मध्ये ९ वटा बैंकले मात्र लेखापरिक्षण प्रतिवेदन बुझाएको जनाएको छ ।
त्यस्तै, २१ फाइनान्स मध्ये ९ वटाले मात्र लेखा परिक्षण प्रतिवेदन स्वीकृत समयभित्रमा भएको छ । यसैगरी अस्तित्वमा रहेका ७८ लघुवित्त संस्थामध्ये ३१ वटाले मात्र राष्ट्र बैकले लेखा परिक्षण प्रतिवेदन स्वीकृत गरेको छ । ४७ संस्थाहरुले अझै प्रक्रिया पुर्याउन सकेका छैनन् ।
वि.सं.२०७७ पुस २४ शुक्रवार १६:२५ मा प्रकाशित
