काठमाडौं । चिनियाँ ई–कमर्स कम्पनी अलिबाबाका संस्थापक ज्याक मा बेखवर भएको करीब ३ महीना पछि सार्वजनिक रुपमा देखिएका छन् ।
चीनको तेस्रो धनीका रुपमा रहेका ज्याकमा पहिलोपटक बुधवार सार्वजनिक भएका छन् । उनी गत अक्टोबरदेखि सार्वजनिक रुपमा देखा परेका थिएनन् । सार्वजनिक स्थलमा नदेखिएसँगै ज्याक मा हराएको आशंका गरिएको थियो ।
उनले शिक्षकहरुको एक सम्मेलनमा सम्बोधन गरेको ग्लोबल टाइम्सले बताएको छ । उनले भर्चुअल माध्यमबाट उक्त सम्मेलनलाई सम्बोधन गरेका थिए । उनी सार्वजनिक भएसँगै अलिबाबा कम्पनीको शेयरमा सकारात्मक प्रभाव परेको छ ।
ज्याक मा सार्वजनिक भएको समाचारसँगै अलिबाबाको शेयरको मूल्य पाँच प्रतिशतभन्दा धेरैले बढेको सीएनबीसीले आफ्नो वेबसाइटमा समाचार छापेको छ । सीएनबीसी
वि.सं.२०७७ माघ ७ बुधवार १३:४५ मा प्रकाशित