काठमाडौं । चालू आर्थिक वर्षको दोस्रो त्रैमाससम्म लक्ष्मी बैंकको चुक्तापूँजी रू. १० अर्ब ६९ करोड ५६ लाख ९० हजार पुगेको छ ।
कम्पनीको चुक्तापूँजी ९ प्रतिशत बोनस शेयर मार्फत वृद्धि भएको हो । कम्पनीले बिहीवार सार्वजनिक गरेको वित्तीय विवरण अनुसार गत वर्षको तुलनामा यस वर्ष खुद नाफा १० दशमलव ६२ प्रतिशत घटेको छ । गत वर्ष रू. ९० करोड ३० लाख २९ हजार खुद नाफा गरेको कम्पनीले यस वर्ष रू. ८० करोड ७१ लाख १५ हजार मात्र यो नाफा गरेको हो ।
सञ्चालन नाफा १२ दशमलव ३४ प्रतिशत कम हुदाँ यस वर्ष कम्पनीको खुद नाफा घटेको हो । गत वर्ष रू. १ अर्ब २९ करोड ४१ लाख १५ हजार सञ्चालन नाफा गरेको कम्पनीले यस वर्ष रू. १ अर्ब १३ करोड ४ लाख ३६ हजार मात्र यो नाफा गरेको छ ।
जगेडा कोष रकम भने यस वर्ष गत वर्षभन्दा ३० प्रतिशत बढी रू. ३ अर्ब ७१ करोड २२ लाख ७ हजार कायम भएको छ । गत वर्षभन्दा ६ प्रतिशत बढी रू. १ खर्ब ४ अर्ब ३५ करोड ७५ लाख ३४ हजार निक्षेप संकलन गरेको कम्पनीले १ दशमलव शून्य ४ प्रतिशत बढी रू. ९२ अर्ब ३८ करोड ७२ लाख ५८ हजार कर्जा प्रवाह गरेको छ ।
कम्पनीको निष्क्रिय कर्जा अनुपात गत वर्ष शून्य दशमलव ८८ प्रतिशत रहेकोमा यस वर्ष घटेर शून्य दशमलव ७६ प्रतिशतमा झरेको छ । प्रतिशेयर आम्दानी रू. १५ दशमलव शून्य ९ रहेको कम्पनीको प्रतिशेयर नेटवर्थ रू. १४३ दशमलव ८३ रहेको छ ।
वि.सं.२०७७ माघ १५ बिहीवार १३:१० मा प्रकाशित
