काठमाडौं । महालक्ष्मी विकास बैंकले पनि चालू आर्थिक वर्षको दोस्रो त्रैमासिक वित्तिय विवरण सार्वजनिक गरेको छ ।
बैंकले सार्वजनिक गरेको वित्तिय विवरण अनुसार चालु आर्थिक बर्षको पुस मसान्तसम्म ३४ करोड ६८ लाख ७१ हजार खुद नाफा आर्जन गर्न सफल भएको छ ।
बैंकको यो नाफा गत आवको सोही अवधीको भन्दा बढी हो । बैंकले गत आवको सोही अवधीमा ३० करोड ५० लाख खुद नाफा कमाएको थियो । बैंकको वित्तरणयोग्य नाफा भने १२ करोड ४७ लाख १३ हजार रुपैयाँ रहेको छ ।
बैंकले समिक्षा अवधीसम्ममा ३६ अर्ब ४३ करोड ४ लाख निक्षेप संकलन गरेको छ । यस्तै, कर्जा तर्फ बैंकले रु. २८ अर्ब ८९ करोड २६ लाख प्रवाह गरेको छ । बैंकले अन्य बैंक तथा वित्तिय संस्थालाई रु. २ अर्ब ११ करोड ६ लाख कर्जा प्रवाह गरेको छ ।
प्रवाहित कर्जाबाट बैंकले समिक्षा अवधी २ अर्ब १ करोड ३० लाख कुल व्याज आम्दानी गरेको छ । बैंकको खुद आम्दानी भने ८४ करोड ८४ लाख रुपैयाँ रहेको छ ।
हाल बैंकको चुक्तापुँजी रु. ३ अर्ब ७ करोड २० लाख रहेको छ । यस्तै, बैंकले रिजर्भमा १ अर्ब ३२ करोड ६ लाख राखेको छ । यस्तै, बैंकको प्रति शेयर आम्दानी २२.५८ रहेको छ ।
वि.सं.२०७७ माघ १५ बिहीवार १३:४२ मा प्रकाशित
