काठमाडौं । लुम्बिनी विकास बैंकले चालू आवको दोस्रो त्रैमासीक वित्तीय विवरण बिहीवार सार्वजनिक गरेको छ । उक्त वित्तीय विवरण अनुसार कम्पनीले सो अवधिमा रू. २६ करोड १८ लाख नाफा कमाएको हो ।
गत आवको दोस्रो त्रैमासको तुलनामा नाफा चालू आवको सोही अवधिमा ३ प्रतिशतले वृद्धि भएको हो । कम्पनीले गत आवको दोस्रो त्रैमासमा रू. २५ करोड २१ लाख नाफा कमाएको थियो । कम्पनीले चालू आवको दोस्रो त्रैमासमा रू. ५३ करोड ७५ लाख खुद ब्याज आम्दानी गरेको हो ।
गत आवको दोस्रो त्रैमासको तुलनामा खुद ब्याज आम्दानी ८ प्रतिशत कमी आएको हो । चुक्तापूँजी रू. २ अर्ब ९० करोड ६४ लाख रहेको कम्पनीले जगेडा कोषमा रू. १ अर्ब ६७ करोड ४९ लाख र रिटेन्ड अर्निङमा रू. १८ करोड ५५ लाख सञ्चित गरेको छ ।
कम्पनीको प्रतिशेयर आम्दानी रू.१८ दशमलव ०२, मूल्य आम्दानी अनुापत १३ दशमलव २१ गुणा, तरलता अनुपात २४ दशमलव ८९ प्रतिशत र प्रतिशेयर नेटवर्थ रू. १६४ दशमलव ०१ रहेको छ ।
वि.सं.२०७७ माघ १५ बिहीवार १५:५८ मा प्रकाशित