काठमाडौँ । नेपाल इन्फ्रास्ट्रक्चर बैंक (NIFRA)को आईपीओ बाँडफाँड आज हुने भएको छ । कम्पनीको आईपीओ आज बिहान १० बजे बाँडफाँड गर्न लागिएको बिक्री प्रबन्धक एनआईबीएल एस क्यापिटलले जनाएको छ ।
कम्पनीको आईपीओमा परेका कुल १५ लाख ५० हजार ३२५ वटा आवेदनमध्ये १४ लाख ७५ हजार आठ आवेदकको १६ करोड ७२ लाख १० हजार कित्ता आवेदन भरिफाइड भएको प्रबन्धकले जनाएको छ ।
बैंकले खुला गरेको कुल आठ अर्ब रुपैयाँबराबरको आठ करोड कित्ता शेयरमध्ये एक लाख ६० हजार कित्ता कर्मचारीका लागि र ४० लाख कित्ता म्युचुअल फन्डका लागि छुट्ट्याइएको छ । बाँकी सात करोड ५८ लाख ४० हजार कित्ता सेयर सर्वसाधारणका लागि बिक्री खुला गरेको थियो ।
धितोपत्र निष्कासन तथा बाँडफाँड नियमावलीअनुसार सबैलाई बराबर बाँडफाँड गर्नुपर्ने व्यवस्था छ । यदि सबै आवेदकले ५० कित्ता वा सोभन्दा बढीको आवेदन दिए पनि सबै आवेदकले न्यूनतम ५० कित्ता सेयर पाउने देखिन्छ ।
वि.सं.२०७७ माघ १६ शुक्रवार ०८:३८ मा प्रकाशित
