काठमाडौं । सनराइज बैंकले आफ्नो प्रधान कार्यालय अगाडि गैरीधारा चोकमा सेमि प्रोटेबल ट्राफिक लाइटको स्थापना गरेको छ । बैंकले आफ्नो सामाजिक उत्तरदायित्वअन्तर्गत यस्तो व्यवस्था गरेको छ ।
उक्त बैंकका प्रमुख कार्यकारी अधिकृत जनक शर्मा पौड्याल, ट्राफिक प्रहरी वरिष्ठ उपरीक्षक जनक भट्टराई र काठमाडौं महानगरपालिका–१ का सचिव अशोककुमार श्रेष्ठले संयुक्त रुपमा लाइटको उद्घाटन गरे ।
सो अवसरमा प्रमुख कार्यकारी अधिकृत पौड्यालले बैंकले स्थापना गरेको लाइटले यातायात व्यवस्थामा अझै सहजता ल्याउने बताए । यसले काठमाडौंलाई सुरक्षित, अनुशासित र सभ्य सहरको रुपमा अघि बढाउन मद्दत गर्नेछ ।
सो अवसरमा ट्राफिक प्रहरीका प्रहरी वरिष्ठ उपरीक्षक जनक भट्टराईले यस्तो प्रविधियुक्त ट्राफिक लाइट काठमाडौंका चोक–चोकमा राख्ने उद्देश्य राखेको र सनराइज बैंकले सो उद्देश्यमा साथ दिइ सहरको सभ्यताको परिचय विकास गर्न सहयोग पु¥याउने बताए ।
वि.सं.२०७७ माघ १६ शुक्रवार १६:४७ मा प्रकाशित