काठमाडौं । ग्रीनलाइफ हाइड्रोपावर कम्पनीले शुक्रबार (आज) देखि सर्वसाधारणका लागि आइपीओ निष्काशन गरेको छ ।
प्रतिकित्ता १ सय रुपैयाँको दरले ३५ लाख ९६ हजार ४०० कित्ता आइपीओ निष्काशन गरेको हो । उक्त कित्तामा ६९ हजार ९२८ कित्ता कम्पनीका कर्मचारी, १ लाख ७४ हजार ७८० कित्ता सामूहिक लगानी कोषलाई छुट्याईएइको छ । यस्तै बाँकी रहेको ३२ लाख ५१ हजार ६५२ कित्तामा सर्वसाधारण लगानीकर्ताले आवेदन दिन कम्पनीले जनाएको छ ।
कम्पनीले यसअघि आयोजना प्रभावित स्थानीयले नकिने सेयर समेत सर्वसाधारणलाई बिक्री गर्ने भएको छ । दोलखा जिल्लाका आयोजना प्रभावितलाई छुट्याएको १८ लाख कित्तामध्ये १ लाख ३ हजार ६ सय कित्तामा मात्रै आवेदन परेको थियो । स्थानीयले नकिनेको १६ लाख ९६ हजार ४ सय कित्ता सहित सर्वसाधारणलाई निष्काशन गरेको कम्पनीले जनाएको छ ।
आईपीओमा माघ २७ गतेसम्म सि-आस्वा सदस्य रहेका बैंक तथा वित्तीय संस्था र मेरो सेयर मार्फत आवेदन दिन सकिने छ । माग अनुसार २७ गतेसम्म आवेदन नपेको खण्डमा फागुन ७ गतेसम्म आवेदन दिन सकिने कम्पनीले जनाएको छ । यसको बिक्री प्रबन्धक बीओके क्यापिटल रहेको छ ।
वि.सं.२०७७ माघ २३ शुक्रवार १०:१० मा प्रकाशित
