बारा । नेपाल प्रहरीले स्रोत नखुलेको ४९ लाख रुपैयाँसहित २ जना भारतीय नागरिकलाई पक्राउ गरेको छ ।
प्रहरीका अनुसार फेटा गाउँपालिका-५ जोतपुरबाट स्रोत नखुलेको नगद ४९ लाख रुपैयाँसहित भारत घर भएका २६ वर्षीय अरबिन्द महतो सहित २ जनालाई पक्राउ गरिएको हो ।
प्रहरीका अनुसार अस्थाई प्रहरी पोष्ट जोतपुरबाट खटिएको प्रहरीले भारतबाट नेपालतर्फ आउँदै गरेको बिआर ०५ वाई ६४१७ नम्बरको मोटरसाइकल जाँच गर्दा उक्त रकम फेला परेको थियो ।
प्रहरीले मोटरसाइकल चालक महतोलाई मोटरसाइकल सहित पक्राउ गरेको जानकारी गराएको छ ।
वि.सं.२०७७ माघ २५ आइतवार १२:४४ मा प्रकाशित
