काठमाडौं । नेपाल राष्ट्र बैंकले मौद्रिक नीतिको अर्धबार्षिक समिक्षामा सेयर धितो कर्जाको सिमालाई हेरफेर गर्ने चर्चाले घटेको बजारमा पुन उछालको बाटोमा देखिएको छ ।
राष्ट्र बैंकले मौद्रिक नीतिको अर्धबार्षिक समिक्षामा कुनै सेयर धितोकर्जाको सिमामा केही हेरफेर नगरेको र गभर्नर महाप्रसाद अधिकारीले पनि लगानीकर्तालाई हल्लाको पछि नलाग्न भनेपछि बजारमा उछाल आएको छ ।
कारोबारको सुरुदेखि नै बजारमा आएको उछाल अहिलेसम्म पनि कायमै छ । यो समाचार तयारपार्दा सम्म नेप्से मापन गर्ने सूचक ६६.८९ अंकले बढेर २५६०.४७ बिन्दुमा रोकिएको छ ।
अहिलेसम्म ५ अर्ब ७९ करोड ७७ लाख ५३ हजार ३९७ रुपैयाँको सेयर किनबेच भएको छ । यो समाचार तयारपार्दासम्म सबै समूहको उपसूचकमा सुधार देखिएको छ । झण्डै दुई दर्जन कम्पनीको कारोबारमा सकारात्मक सर्किट समेत लागिसकेको छ ।
वि.सं.२०७७ फागुन ३ सोमवार १३:०३ मा प्रकाशित
