back
Mega Long Ad

सरकारको तीन वर्षः ‘प्रत्येक दिन ५ किलोमिटर सडक कालोपत्रे, दैनिक एक बढी झोलुङ्गे पुल, दुई दिनमा एउटा पुल निर्माण’

काठमाडौं । प्रधानमन्त्री केपी शर्मा ओलीले यो तीन वर्षको अवधिमा प्रत्येक दिन कम्तीमा ५ किलोमिटर सडक कालोपत्रे भएको, हरेक दिन कम्तिमा एकभन्दा बढी झोलुङ्गे पुल बनेको बताउनु भएको छ । उहाँका अनुसार हरेक दोस्रो दिन कम्तीमा एउटा सडक पुलको निर्माण कार्य सम्पन्न भएको छ भने हरेक तेस्रो दिन एउटा ग्रामीण सडक पुलको निर्माण सम्पन्न भएको छ ।

 

प्रधानमन्त्री ओलीले सिंहदरबारमा रहेको मुख्य प्रशासनिक भवनको उद्घाटन गर्दै आफ्नो नेतृत्वमा रहेको सरकारले गरेको कामको बारेमा यस्तो जानकारी गराउनु भएको हो । उहाँका अनुसार यो तीन वर्षको अवधिमा देशभर ५ हजार ४९८ किलोमिटर सडकको कालोपत्रे भएको छ ।
यस तीन बर्षको अवधिमा संघ, प्रदेश र स्थानीय तह सहितका निकायहरुबाट कालोपत्रे सडक ५ हजार ४९८ किलोमिटर निर्माण भएको र थप २ हजार ७१८ किलोमिटर निर्माण भइ सडक विभागद्वारा निर्मित कालोपत्रे रणनैतिक सडक कूल १५ हजार ८६७ किलोमिटर पुगेको उहाँको दाबी छ ।

 

यो अवधिमा शहरी विकास मन्त्रालयद्वारा थप ४१२ किलोमिटर कालोपत्रे सडक निर्माण भएको र सातवटै प्रदेशबाट १ हजार १४३ किलोमिटर सडक कालोपत्र गरिएको छ । स्थानीयस्तरका थप १ हजार २२५ किलोमिटर कालोपत्रे सडक निर्माण भएको छ भने खण्डास्मित १ हजार ४६३ किलोमिटर थप भइ ८ हजार ४१९ किलोमिटर निर्माण भएको छ । माटे सडकको लम्बाइ ९ हजार १०९ किलोमिटर पुगेको प्रधानमन्त्री ओलीको दाबी छ । ‘कुनै समय सिङ्गो वर्षभरिमा १० किलोमिटर मात्र सडक कालोपत्रे भएको थियो’ उहाँले भन्नुभयो ‘यो सरकार गठन भएपछि प्रतिदिन करिब ५ किलोमिटर भन्दा बढीका दरले कालोपत्रे सडक निर्माण भइरहेको छ ।’

 

यो अवधिमा तराई–मधेसमा १ हजार ६०० किलोमिटरभन्दा बढी कालोपत्रे सडक निर्माण भएको छ । जसमध्ये तराई–मधेस सडक पूर्वाधार विकास कार्यक्रमबाट २ लेनको ५१६ किलोमिटर रणनीतिक सडक, ४९० किलोमिटर हुलाकी राजमार्ग, व्यापारिक मार्ग विस्तार आयोजना अन्तर्गत ९४ किलोमिटर ६ लेनका सडक निर्माण भएको छ । संघीय मामिला तथा सामान्य प्रशासन मन्त्रालय अन्तर्गत करीब ६० किलोमिटर सडक र सघन शहरी विकास कार्यक्रम अन्तर्गतको ४१२ किलोमिटर सडक निर्माण भएको ओलीको भनाइ छ ।

 

कालोपत्रे सडक भएका जिल्लाको संख्या अब ७२ पुगेको छ । सडक पुगेका गाउँपालिका केन्द्रको संख्या ७२४ पुगेको छ । बाँकी केन्द्रहरुलाई जोड्ने सडक निर्माणका लागि यसै आर्थिक बर्ष भित्र थाल्ने गरी सरकारले बजेट व्यवस्था गरिसकेको छ । नागढुङ्गा–नौबिसे सुरुङ मार्गको निर्माण कार्य शुरु भएको छ । सिद्धबाबा सुरुङ मार्ग निर्माणको लागि बजेट व्यवस्था गरिएको छ भन टोखा–छहरे र बेत्रावती–स्याफ्रुबेसी सुरुङ मार्ग बिस्तृत परियोजना प्रतिवेदन तयारीको चरणमा छन् ।

 

तीन बर्षमा संघ, प्रदेश र स्थानीय तहका गरी थप ९१५ सडक पुल निर्माण भएका छन् । नेपालकै दोस्रो लामो सिसनिया–गढवा राप्ती सडकपुल यसै अवधिमा सम्पन्न भएको छ । ४१६ ग्रामीण सडक पुलसहित सडक पुलको कूल संख्या ३ हजार १३६ पुगेको छ । हालसम्म १३० वटा तुइन बिस्थापित गरी झोलुङ्गेपुल निर्माण गरिएका छन् । सीमा नदी महाकाली सहित ५ स्थानमा झोलुङ्गेपुल निर्माण कार्य बाँकी छन् । प्राविधिक हिसाबले तुइन राखी नदी तरीतराउ गर्ने स्थान अब कतै पनि बाँकी नभएको प्रधानमन्त्री ओलीको दाबी छ। यस तीन बर्षको अवधिमा १ हजार ४२३ झोलुङ्गे पुल निर्माण गरिएका छन् ।

 

अहिले उत्साही निजी क्षेत्रका लगानीकर्ताले कोशी र गण्डकीमा जल यातायात सुरु गरेका छन् । मनकामना, चन्द्रागिरी र कालिञ्चोकपछि बुटवल लगायत देशका विभिन्न भागमा केबलकार सञ्चालनको अभियान नै शुरु भएको उहाँको भनाइ छ ।

वि.सं.२०७७ फागुन ३ सोमवार १३:४७ मा प्रकाशित

You can share this post!

राष्ट्रसंघीय फोरममा नेपालको प्रतिबद्धता : अपराधीलाई संरक्षण हुँदैन, कसुरदारलाई कारवाही गर्छौं न्युज कारखाना

राष्ट्रसंघीय फोरममा नेपालको प्रतिबद्धता : अपराधीलाई संरक्षण हुँदैन, कसुरदारलाई कारवाही गर्छौं न्युज कारखाना

वि.सं.२०७८ असोज २८ बिहीवार ०९:२४

काठमाडौं। नेपालले संयुक्त राष्ट्रसंघीय फोरममा अपराधीलाई संरक्षण नहुने प्रतिबद्धता जनाएको...

आपराधिक घटना निरुत्साहित गर्न कपिलवस्तु प्रहरीको विशेष योजना

आपराधिक घटना निरुत्साहित गर्न कपिलवस्तु प्रहरीको विशेष योजना

वि.सं.२०७८ असोज २८ बिहीवार ०८:४२

कपिलवस्तु। दसैँको रमझमसँगै जिल्लामा पटक पटक हिंसात्मक र आपराधिक घटना...

वडा अध्यक्षको कुटाइबाट एक युवक गम्भीर

वडा अध्यक्षको कुटाइबाट एक युवक गम्भीर

वि.सं.२०७८ असोज २६ मंगलवार १४:२७

सप्तरी । रुपनी गाउँपालिका–१ का वडा अध्यक्ष पिताम्बर यादवको कुटाइबाट...

देखिएन बोनसको चमक

देखिएन बोनसको चमक

वि.सं.२०७८ असोज २५ सोमवार १६:१०

काठमाडौं । पछिल्लो समय सेयर बजारमा बोनसको घोषणा सुरु भएको...

चर्को विरोधपछि आफ्नो निर्णयको विषयमा अध्ययन गर्न अर्थले राजस्व सचिवको संयोजकत्वमा बनायो कार्यदल

चर्को विरोधपछि आफ्नो निर्णयको विषयमा अध्ययन गर्न अर्थले राजस्व सचिवको संयोजकत्वमा बनायो कार्यदल

वि.सं.२०७८ असोज २५ सोमवार १२:२९

काठमाडौं । स्पञ्ज आइरन र तयारी बिलेट आयातमा भन्सार दर...

पुँजीगत खर्च बढाउन बत्ती बालेर भएपनि काम गर्नुपर्यो : अर्थमन्त्री शर्मा

पुँजीगत खर्च बढाउन बत्ती बालेर भएपनि काम गर्नुपर्यो : अर्थमन्त्री शर्मा

वि.सं.२०७८ असोज २४ आइतवार १५:१०

काठमाडौं । बजेट कार्यान्वयनका विषयमा विभिन्न निकायहरुसँग छलफल गर्ने क्रममा...