back

सूचीकृत संस्थालाई धितोपत्र बोर्डको ११ बुँदे निर्देशन, फागुन मसान्तबाट अनुगमन हुने

काठमाडौं । नेपाल धितोपत्र बोर्डले सूचीकृत संगठित संस्थालाई ११ बुँदे निर्देशन दिएको छ । बोर्डले दिएको निर्देशन फागुन मसान्तबाट लागु हुने छ । बोर्डले दिएको निर्देशन पालना नगर्ने संस्थालाई धितोपत्र सम्बन्धी ऐन-२०६३ को दफा १०१ बमोजिम कारबाही तथा दण्ड जरिवाना हुने बोर्डले जनाएको छ ।

 

सबै संस्थाले धितोपत्रमा लगानी गर्ने लगानीकर्ताहरुलाई संगठित संस्थाको सञ्चालक तथा वित्तीय अवस्थाको बारेमा सुसुचित गराउन, अध्ययन तथा अनुसन्धानमा सहजता ल्याउन, सुसुचित भएर लगानी गर्न र पुँजीबजारलाई स्वच्छ र प्रभावकारी बनाउन धितोपत्र ऐन २०६३ को दफा ८७ ले दिएको अधिकारी प्रयोग गरी उक्त निर्देशन दिएको बोर्डको भनाइ छ ।

 

निर्देशनमा संगठित संस्थाहरुले आफ्नो वेवसाइटमा संस्थाको परिचय, सञ्चालक समिति, व्यवस्थापन समिति, गुनासो सुन्ने अधिकारी, अनुपालन अधिकारी र कम्पनी सचिवको नाम, फोन नम्बर दुरुस्त राख्न भनेको छ ।

 

संस्थाले धितोपत्र दर्ता तथा निष्काशन नियमावली, २०७३ को नियम २६ को उपनियम (१) बमोजिम प्रत्येक तीन महिनाको अनुसूची-१ मा उल्लेखित विवरणहरु उक्त त्रैमासिक अवधि समाप्त भएको तीनदिनभित्र बोर्ड समक्ष पेश गर्ने र त्यस्तो प्रतिवेदन दैनिक पत्रिका र वेवसाइटमा पनि राख्न भनेको छ ।

 

संस्थाले धितोपत्रबो बजार मूल्यमा असर पार्न सकने सूचना धितोपत्र दर्ता तथा निष्काशन नियमावली, २०७३ को अनुसूची-१६ मा उल्लेखित कुनै घटना वा कारोबार भएमा त्यस्तो विषयको सूचना तत्काल धितोपत्र बजारमा दिई आफ्नो वेवसाइटमा राखी बोर्डमा विद्युतीय माध्यमबाट जानकारी गराउन निर्देशन दिएको छ ।

 

बोर्डको निर्देशनमा आफ्नो वेवसाइटमा संस्थाको पछिल्लो ५ वर्षको प्रमुख वित्तीय परिसुचकहरु (संस्थाको पुँजी, बार्षिक आम्दानी, खर्च, जगेडा कोष, प्रतिसेयर आम्दानी, मूल्य आम्दानी अनुपात, प्रति सेयर नेटवर्थ र लाभांश) लगायतका विवरणहरुको चार्ट सहितको प्रोफाइल बनाइ वेवसाइटमा राख्न भनेको छ ।

वि.सं.२०७७ फागुन ६ बिहीवार १३:४० मा प्रकाशित

You can share this post!

पहिलो दिन कति पर्यो त धौलागिरी लघुवित्तको आईपीओमा आवेदन ?

पहिलो दिन कति पर्यो त धौलागिरी लघुवित्तको आईपीओमा आवेदन ?

वि.सं.२०७९ साउन २४ मंगलवार १७:३७

काठमाडौं । बिक्री खुला भएको पहिलो दिनमै धौलागिरी लघुवित्त वित्तीय...

थप २ करोड २३ लाख ९९ हजार कित्ता सेयर नेप्सेमा सूचीकृत !

थप २ करोड २३ लाख ९९ हजार कित्ता सेयर नेप्सेमा सूचीकृत !

वि.सं.२०७९ साउन २४ मंगलवार १६:४९

काठमाडौं । नेपाल स्टक एक्सचेञ्ज (नेप्से) मा हिमालयन एभरेष्ट इन्स्योरेन्सको...

नेप्सेमा एक कम्पनीको सेयर मूल्य समायोजन, प्रतिकित्ता कति तोक्यो ?

नेप्सेमा एक कम्पनीको सेयर मूल्य समायोजन, प्रतिकित्ता कति तोक्यो ?

वि.सं.२०७९ साउन २४ मंगलवार १६:३९

काठमाडौं । नेपाल स्टक एक्सचेञ्ज (नेप्से)ले नागरिक लगानी कोषको सेयर...

ग्लोबल आइएमई बैंक र धनगढीको माया मेट्रो अस्पताल बीच सम्झौता

ग्लोबल आइएमई बैंक र धनगढीको माया मेट्रो अस्पताल बीच सम्झौता

वि.सं.२०७९ साउन २४ मंगलवार १६:३१

काठमाडौं । ग्लोबल आइएमई बैंक लिमिटेड र धनगढीमा रहेको माया...

के भयो आज जीवन विकास र महिला लघुवित्तको सेयर ?

के भयो आज जीवन विकास र महिला लघुवित्तको सेयर ?

वि.सं.२०७९ साउन २४ मंगलवार १५:४५

काठमाडौं । साताको दोस्रो कारोबार दिन जीवन विकास लघुवित्त र...

फोनिजद्वारा चार पत्रकार पुरस्कृत र एक संचार संस्था सम्मानित हुँदै

फोनिजद्वारा चार पत्रकार पुरस्कृत र एक संचार संस्था सम्मानित हुँदै

वि.सं.२०७९ साउन २४ मंगलवार १५:३८

काठमाडौं । नेपाल आदिवासी जनजाति महासंघ (फोनिज)ले हरेक वर्ष प्रदान...