back
Mega Long Ad

मार्सी बियर, माफिया ह्वीस्की र डन इनर्जी ड्रिंक ल्याउँदै व्यवसायी दुर्गा प्रसाईं

काठमाडौं । व्यवसायी दुर्गा प्रसाईंलाई झण्डै तीन वर्ष अघिदेखि मार्सी, मार्सी भनेर धेरै नै दुष्प्रचार गरियो । त्यती मात्रै उहाँलाई मेडिकल माफिया र डन भनेर दुष्प्रचार गर्नेको यो समाजमा कमी भएन । आफुलाई जुन उपमा दिएर दुष्प्रचार गरियो त्यही शब्दलाई ब्राण्डिङगर्दै प्रसाईंले वियर, ह्वीस्की र इनर्जी ड्रिंकको उत्पादन गर्ने तयारी थाल्नुभएको छ ।

 

उहाँलाई सुरु सुरुमा यो शब्द सुनेर धेरै नै मनमा खिन्नता पैदा हुने गरेको थियो । आफुले राम्रो काम गर्दा गर्दै पनि आफूलाई जुन जुन शब्दले गाली गरियो त्यो शब्द सुन्दा निकै असहज महशुस हुने गरेको थियो । क्रमिक रुपमा उहाँलाई यस्ता शब्दले निरन्तर प्रहार गर्न थालियो, त्यसपछि उहाँले यी नै शब्दलाई व्यवसायीक रुपमा लिन थाल्नु भयो । जो जसले त्यस्ता शब्द प्रयोग गरेर गाली गर्ने गरेका थिए, उनीहरुलाई समातेर किन यस्तो शब्दले मलाई गाली गरेको भनेर भन्न सम्भव हुने कुरा भएन ।

 

निरन्तर एकै खाले शब्दले गाली खानुपरेपछि त्यही शब्दलाई प्रसाईंले ब्रान्डिङ गर्न लाग्नु भएको छ । उहाँ फागुन तेस्रो सातासम्म मार्सी बियर बजारमा ल्याउने तयारीमा लाग्नु भएको छ । प्रसाईका अनुसार मार्सी बियर यही महिनाको २०, २२ गतेसम्म उत्पादन भएर बजारमा आउने छ । यता माफिया ह्वीस्की र डन इनर्जी ड्रिंक केही समयमा उत्पादन हुनेछ । ह्वीस्की र इनर्जी ड्रिंकको उत्पादनको लागि प्लान्ट बनाउने कार्य जारी रहेको प्रसाईंले अर्थतन्त्रलाई बताउनु भयो । यी तीनवटै उत्पादन एकै ठाँउबाट उहाँको भनाई छ ।

तपाईलाई जुन शब्दले यति धरै गालि गरियो, त्यही शब्दलाई उत्पादनमा किन परिणत गर्न लाग्नु भएको ? भन्ने प्रश्नमा प्रसाईंले भन्नुभयो, ‘नकारात्मक भित्र सकारात्मक खोज्ने भनेको यही हो । मलाई नराकात्मक भित्र सकारात्मक खोज्न ज्यादै मन पर्छ ।’ पहिलो चरणमा उत्पादन हुन लागेको मार्सी बियर प्रिमियम र स्ट्रङसहित दुई वटा ब्राण्डमा बजारमा उपलब्ध हुनेछ । यसको उद्योग भैरहवामा रहेको छ । बियर, ह्वीस्की र इनर्जी ड्रिंक उत्पादनको लागि भैरहवामा रहेको ट्राइगर ब्रुअरीको फ्याक्ट्रि खरिद गरेर त्यसमा आवश्यक भौतिक पूर्वाधारको काम सकिएको उहाँले अर्थतन्त्रलाई बताउनु भयो ।

 

अहिले बियर उत्पादनको लागि परिक्षणको काम जारी रहेको प्रसाईंको भनाइ छ । ६ अर्ब लगानी रहेको उक्त उद्योगले अहिले ५ सय जनालाई रोजगारी दिइरहेको छ । मार्सी वियर बजारमा आएपछि १५ सय जनासम्मले रोजगारी पाउने छने भने र ह्वीस्की र इनर्जी ड्रिंक उत्पादनमा आएपछि २ हजार भन्दा बढीले रोजगारी पाउने प्रसाईको दाबी छ । मार्सी बियरमा हुम्ला, जुम्ला जिल्लामा उत्पादन भएको मार्सी चामलको ३० प्रतिशत प्रयोग हुने छ भने बाँकी ७० प्रतिशत जौ को प्रयोग हुने उहाँले बताउनु भयो । उक्त बियरको मूल्य बजारमा चलेका अन्य बियर सरह नै हुनेछ । बियर, ह्वीस्की तथा इनर्जी ड्रिंकको नेपालमा खपत हुनुका साथै भारतमा समेत निर्यात गर्ने तयारी रहेको उहाँले बताउनु भयो ।

वि.सं.२०७७ फागुन ७ शुक्रवार १७:३९ मा प्रकाशित

You can share this post!


२ महिनामा ५.४६ % बजेट खर्च, हरेक महिना १० % बजेट खर्च गर्ने मन्त्री शर्माको योजना होला पुरा ?

२ महिनामा ५.४६ % बजेट खर्च, हरेक महिना १० % बजेट खर्च गर्ने मन्त्री शर्माको योजना होला पुरा ?

वि.सं.२०७८ असोज १ शुक्रवार १७:५७

काठमाडौं । चालु आर्थिक वर्ष सुरु भएको दुई महिना बित्दा...

केही दिनमै आउँदैछ ७० करोडको नयाँ आईपीओ, कति र कहिलेसम्म दिने आवेदन ?

केही दिनमै आउँदैछ ७० करोडको नयाँ आईपीओ, कति र कहिलेसम्म दिने आवेदन ?

वि.सं.२०७८ असोज १ शुक्रवार १६:२७

  काठमाडौं । आउँदो असोज ६ गतेदेखि साहस उर्जाको आईपीओ...

बचत खातामा पनि पाइन्छ मानग्य ब्याज, कुन बैंकले कति दिन्छ ?

बचत खातामा पनि पाइन्छ मानग्य ब्याज, कुन बैंकले कति दिन्छ ?

वि.सं.२०७८ असोज १ शुक्रवार १६:२७

काठमाडौं । वाणिज्य बैंकहरुमा लगानीयोग्य रकम (तरलता) अभाव भएसँगै धमाधम...

कामना सेवा विकास बैंकले ल्यायो उच्च ब्याजदरसहित नयाँ बचत खाता, कति प्रतिशत पाइने ?

कामना सेवा विकास बैंकले ल्यायो उच्च ब्याजदरसहित नयाँ बचत खाता, कति प्रतिशत पाइने ?

वि.सं.२०७८ असोज १ शुक्रवार १६:०९

  काठमाडौं । वैदेशिक रोजगारीमा रहेका नेपाली नागरिक तथा नेपालस्थित...

कस्तो हो टाटा अल्ट्रोज कार ? यस्तो छ फिचर (मूल्यसहित)

कस्तो हो टाटा अल्ट्रोज कार ? यस्तो छ फिचर (मूल्यसहित)

वि.सं.२०७८ असोज १ शुक्रवार १५:०७

काठमाडौं । टाटा अल्ट्रोजको विभिन्न ५ मोडेलका कारहरु नेपाल उपलब्ध...

यी हुन् अर्थमन्त्री शर्माले रोकेको देशभरका १४१० सडक आयोजना, कुन जिल्लामा कति रकमको सडक रोकियो ?

यी हुन् अर्थमन्त्री शर्माले रोकेको देशभरका १४१० सडक आयोजना, कुन जिल्लामा कति रकमको सडक रोकियो ?

वि.सं.२०७८ असोज १ शुक्रवार १४:४२

काठमाडौं । अर्थमन्त्री जनार्दन शर्माले अघिल्लो सरकारले बजेटमा राखेका १४१०...