काठमाडौं । नेपाल क्रेटिड एण्ड कमर्स (एनसीसी) बैंकले लिलामी मार्फत ल्याएको २५ लाख कित्ता संस्थापक शेयर बाँडफाँड गरेको छ ।
बैंकले फागुन २ गतदेखि ९ गतेसम्म बोलकबोल मार्फत निष्काशन गरिएको उक्त शेयर शुक्रवार बाँडफाँड गरिएको जनाएको छ । रितपूर्वक आवेदन दिने आवेदकहरुमध्यबाट प्रतिकित्ता ३१५ दशमलव ५० रुपैयाँदेखि १४२ रुपैयाँसम्म मूल्य अंकित गरी बोलकबोल गर्ने १०४ जनालाई माग बमोजिम र प्रतिकित्ता १४१ दशमलव ५० का दरले माग गर्ने १ जनालाई आंशिक गरी विक्रीको आव्हान गरेको सबै शेयर बाँडफाँड गरिएको बैंकले जनाएको छ ।
कम्पनीको विक्री प्रबन्धकमा सनराइज क्यापिटल रहेको छ । बैंकले उक्त शेयरको न्यूनतम मूल्य प्रतिशेयर १४० रुपैयाँ तोकेको थियो । यो शेयर खरीदका लागि न्यूतमम १ एक हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था थियो ।
उक्त बाँडफाँटमा नपरेको आवेदकहरुको रकम फागुन १७ गतेदेखि आईपीएसमार्फत आवेदकहरुले उल्लेख गरेको बैंक खातामै भुक्तानी गरिने समेत कम्पनीले जानकारी दिएको छ ।
वि.सं.२०७७ फागुन १६ आइतवार १३:४४ मा प्रकाशित
