काठमाडौं । चैत १८ गते मिर्मिरे लघुवित्त वित्तीय संस्थाको १०औँ वार्षिक साधारणसभा हुने भएको छ । कम्पनीले पञ्चकन्या ब्यंक्वेट, बनेपा, काभ्रेपलाञ्चोकमा बिहान ११ बजे सभा बोलाएको हो ।
सभाले आर्थिक वर्ष २०७६/७७ को मुनाफाबाट हाल कायम चुक्ता पूँजीको ९ दशमलव २० प्रतिशत बोनस शेयर र सोको कर प्रयोजनार्थ शून्य दशमलव ४९ प्रतिशत नगद लाभांश वितरण गर्ने विशेष प्रस्ताव पारित गर्नेछ ।
साधारण सभा तथा लाभांश प्रयोजनका लागि चैत ८ गतेदेखि १८ गतेसम्म बुकक्लोज गर्ने कम्पनीको तयारी छ । त्यस्तै, यस कम्पनीले स्वेडा लघुवित्तलाई प्राप्ति पश्चात पूँजीको अनुपात मिलान गर्ने क्रममा फरक परेको रकमलाई प्रिमियममा एफपीओ निष्कासन गर्ने प्रस्ताव पनि पारित गर्नेछ ।
यसका साथै सभाले अन्य कुनै उपयुक्त लघुवित्त वित्तीय संस्थासँग मर्जर अथवा एक्विजिशन सम्बन्धि सम्पूर्ण कार्य गर्न र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने, सञ्चालकको नयाँ नियुक्ति र राजिनामाको अनुमोदन गर्ने प्रस्ताव पनि पारित गर्नेछ ।
वि.सं.२०७७ फागुन २४ सोमवार ११:१४ मा प्रकाशित