काठमाडौं । उन्नति सहकार्य लघुवित्त वित्तीय संस्था लिमिटेडले लाभांश घोषणा गरेको छ । कम्पनीले १७ दशमलव ८१ प्रतिशत बोनस शेयर वितरणको प्रस्ताव गरेको छ ।
कम्पनीको फागुन २३ गते बसेको संचालक समितिको बैठकले आर्थिक वर्ष २०७६/७७ को असार मसान्तको संञ्चित मुनाफबाट उक्त बोनस शेयर दिने भएको हो ।
कम्पनीको फागुन २३ गतेको सञ्चालक समितिको बैठकले कम्पनीको हाल कायम चुक्तापूँजी १४ करोड ९५ लाख ३६ हजार रुपैयाँको आधारमा उक्त बोनस शेयर वितरण गर्ने निर्णय गरेको हो ।
प्रस्तावित बोनस शेयर नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरण हुने कम्पनीले जनाएको छ ।
वि.सं.२०७७ फागुन २५ मंगलवार ११:१५ मा प्रकाशित