काठमाडौं । सेयर बजारमा सामान्य सुधार देखिएपनि कारोबार रकम भने पछिल्लो समयमा निरन्तर सुस्ताउन थालेको छ । पछिल्लो समयमा बजारमा कारोबार रकमले साथ कम दिन थालेको छ ।
बजार मापन गर्ने सूचक २.५६ अंकले बढेर परिसूचक २३९१.७४ बिन्दुमा रोकिएको छ । २१६ कम्पनीको ९० लाख १२ हजार ८५३ कित्ता सेयर ३ अर्ब ३७ करोड ५६ लाख ९९ हजार ३३९ रुपैयाँको सेयर किनबेच भएको छ ।
कारोबारमा बैैकिङ समूहको उपसूचक ३.६७, होटल ८६, उत्पादन तथा प्रशोधन २३.२५, माइक्रोफाइनान्स २७.३६, जीवन बीमा समूहको उपसूचक २३०.२९ अंकले बढेको छ ।
कारोबार रकमको आधारमा नेपाल लाइफ इन्स्योरेन्स अग्रस्थानमा रहेको छ । इन्स्योरेन्सको १९ करोड ३८ लाख ७९ हजार रुपैयाँको सेयर किनबेच भएको छ । दोस्रो र तेस्रोमा माथिल्लो तामाकोशी र निफ्रा रहका छन् ।
वि.सं.२०७७ चैत ३ मंगलवार १५:०७ मा प्रकाशित