काठमाडौं । एक आपसमा गागिएका दुई वित्तिय संस्थाले आउँदो आइतबार(चैत ८ गते) देखि एकीकृत कारोबार सुरु गर्दैछन् ।आइतबारदेखि एनआईसी एशिया लघुवित्त वित्तीय संस्था र स्वदेशी लघुवित्त वित्तीय संस्था एकीकृत कारोबार गर्ने भएका हुन् ।
दुबै कम्पनी एक आपसमा मर्जरमा जाने प्रस्ताव कम्पनीको विशेष साधारण सभाबाट पारित भइसकेको र कम्पनी रजिष्ट्रारको कार्यालयले समेत गत फागुन २३ गते मर्जरमा जाने स्वीकृती दिएसँगै एकीकृत कारोबार हुन लागेको हो ।
मर्जरपछि कम्पनीको नाम एनआईसी एशिया लघुवित्त वित्तीय संस्था लिमिटेड रहनेछ । मर्जरपश्चात कम्पनीको केन्द्रीय कार्यालय हाल स्वदेशी लघुवित्त वित्तीय संस्थाको केन्द्रीय कार्यालय रहेको स्थान इटहरी उप– महानगरपालिका – ९ सुनसरीमा रहनेछ ।
आगामी चैत ८ गतेदेखि एकीकृत कारोबार शुरु हुने हुँदा डाटा माइग्रेसन प्रयोजनको लागि शुक्रवार दुबै कम्पनीले आफ्ना कार्यालयहरुबाट प्रदान गर्दै आएको सम्पूर्ण बैंकिङ्ग कारोबार बन्द रहने जानकारी दिएको छ ।
वि.सं.२०७७ चैत ६ शुक्रवार १४:४४ मा प्रकाशित
