हुम्ला। हुम्लामा खाना पकाउने ग्यासको मूल्य घटेको छ । हुम्लाको दक्षिणी क्षेत्रका तीनवटा गाउँपालिका राष्ट्रिय सडक सञ्जालमा जोडिएपछि ग्यासको मूल्य घटेको हो।
एउटा ग्यास सिलिण्डरको मूल्य घटेर ८ हजार रुपैयाँ भएको छ । यसअघि प्रतिसिलिण्डर १४ हजार रुपैयाँ थियो ।यसअघि हुम्लाको सदरमुकाम सिमकोटमा मुगुको गमगढीबाट खच्चडमा बोकाएर ल्याएको ग्यासको मूल्य प्रतिसिलिण्डर १४ हजार रुपैयाँ थियो ।
मूल्य घटेपछि हुम्लामा खाना पकाउने ग्यास प्रयोग गर्नेहरुको संख्यामा पनि बृद्धि भएको छ । सर्केगार्ड गाउँपालिकाको बालुकुनासम्म र चंखेली गाउँपालिकाको केन्द्र पिप्लाङसम्म सडक सञ्चालनमा आएपछि ग्यासको ढुवानीको मूल्य घटेको बताइएको छ ।
अहिले एकदिनमै खच्चडमा सिमकोट पुग्ने भएपछि ढुवानी खर्च घटेको हो ।
वि.सं.२०७७ चैत ६ शुक्रवार १७:०३ मा प्रकाशित
