काठमाडौं । विश्वब्यापी रुपमा फैलिएको कोरोनाका कारण थप्प प्रायः बनेको आयात तथा निर्यात पुरानै लयमा फर्कन थालेको छ ।
भन्सार विभागमा अनुसार यसअघि आयातको तुलनामा निर्यात बढी हुने गरेको भएपनि अहिले भने निर्यातसँगै आयात पनि बढ्न थालेको छ । फागुन महिनासम्ममा वस्तु तथा सेवाको निर्यात ७.८४ प्रतिशतले बढ्दा निर्यात २.१४ प्रतिशतले बढेको छ ।
चालु आर्थिक वर्षको दोस्रो चौमाससम्ममा ९ खर्ब ४३ अर्ब ९८ करोड ८२ लाख ५० हजार रुपैयाँको वस्तु तथा सेवा आयात भएको छ । भन्सार विभागमा अनुसार गत आवको सोही अवधिको तुलनामा चालु आवमा वस्तु तथा सेवा आयात २.१४ प्रतिशतले बढेको छ ।
यस्तै यो आठ महिनाको अवधिमा ८० अर्ब ७७ करोड ८८ लाख ८्र६१ हजार रुपैयाँको वस्तु तथा सेवा निर्यात भएको छ । यो भनेको गत आवको सोही अवधिको तुलनामा ७.८४ प्रतिशतले बढी हो ।
आव २०७७/०७८ को आठ महिनामा वस्तु तथा व्यापार घाटा १.६३ प्रतिशतले बढेर ८ खर्ब ६३ अर्ब २० करोड ९३ लाख ८९ हजार रुपैयाँ रहेको छ । गत आवको सोह ८ खर्ब ४९ अर्ब ३३ करोड ४६ लाख ८९ हजार रुपैयाँ रहेको थियो । समिक्षा अवधिमा आयात तथा निर्यात अनुपात ५.१४ प्रतिशत रहेको छ ।
वि.सं.२०७७ चैत ८ आइतवार १२:५० मा प्रकाशित
