काठमाडौं । नेपाल स्टक एक्सचेन्ज (नेप्स)ले निफ्रालाई सोधेको प्रष्टिकरणको जवाफ पाएको छ । नेप्सेले निफ्रालाई ३० मिलियन डलरको बन्ड ल्याउने र लन्डन स्टक एक्सचेन्जमा सूचिकृत हुने तथा लाभांशको विषयमा स्पष्टिकरण सोधेको थियो ।
जवाफमा निफ्राले ३० मिलियन डलरको बन्ड जारी गर्ने विषय बैंकको रणनीति भित्रकै एक हिस्सा रहेको र बैंकले आफ्नो बार्षिक प्रतिवेदन र साधारण सेयर निष्काशनको लागि तयार पारेको विवरणपत्रमा समेत खुलस्त पारेको उल्लेख छ ।
नेप्सेमा सेयर सूचीकरण हुनु अगावै बन्ड जारी गर्नको लागि नियामक निकायबाट लिनुपर्ने सहमति लिइसकेको समेत जानकारी गराएको छ । यसलाई अन्तिम रुप दिन चाहिने समति लिँदै यथासक्य छिटो तोकिएको ब्याजदरमा बन्ड जारी गर्ने र सम्बन्धित स्टक एक्चेन्जमा सूचिकृत गराउने गरी बैंक अघि बढिरहेको समेत उल्लेख गरेको छ ।
यस्तै निफ्राले आव २०७७-०७८ मा ८ प्रतिशत लाभांश भने सञ्चालक समितिले निर्णय गरे, नियामकले स्वीकृत गरे एंव साधारणसभाले पारित गरे दिने जनाएको छ ।
वि.सं.२०७७ चैत ८ आइतवार १३:०७ मा प्रकाशित