काठमाडौं । उद्योगपति राजेशकुमार अग्रवाल नेपाल कम्युनिष्ट पार्टी (एमाले)मा प्रवेश गर्नुभएको छ ।
प्रधानमन्त्री निवास बालुवाटारमा आयेजित कार्यक्रममा प्रधानमन्त्री एवं पार्टी अध्यक्ष केपी शर्मा ओलीले अग्रवाललाई पार्टीमा स्वागत गर्नुभएको हो । प्रधानमन्त्रीले पार्टीमा अग्रवालबाट राम्रो भुमिका निर्वाह हुने विश्वाससमेत व्यक्त गर्नुभयो ।
भैरहवा निवास ४९ वर्षिय अग्रवाल अर्घाखाँची सिमेन्ट र श्री स्टिल प्रा.ली.को महाप्रबन्धक समेत हुनुहुन्छ । लामो समयदेखि उद्योग व्यवसायीको हितमा कार्यरत उहाँ हाल नेपाल उद्योग वाणिज्य महासंघको केन्द्रीय सदस्य पनि हुनुहुन्छ ।
आफू यसअघि कुनै राजनीतिक दलसँग आवद्ध नभएका उहाँ प्रधानमन्त्री एवं एमाले अध्यक्ष केपी शर्मा ओलीले विकास र समृद्धिका लागि मुलुकलाई नेतृत्व दिइरहनुभएकाले पार्टी प्रवेश गरिएको बताउनुभयो ।
‘प्रधानमन्त्रीको कदममा हामी उद्योग व्यवसायीले पनि साथ दिनुपर्छ भन्ने लागेर पार्टीमा प्रवेश गरेको हुँ’, उहाँले भन्नुभयो ।
वि.सं.२०७७ चैत १० मंगलवार १६:११ मा प्रकाशित