काठमाडौं । अघिल्लो दिन हकप्रद सेयर निष्काशन गर्ने र भोलिपल्ट रोक्ने भनेर सूचना निकालेको किसान लघुवित्त वित्तीय संस्थालाले नेप्सेलाई स्ष्टिकरणको जवाफ पठाएको छ ।
संस्थाले गत केही दिन अघि निकालेको साधारणसभाको पहिलो सूचनामा हकप्रद सेयर निष्काशन गर्ने र दोस्रो दिन फेरी निकालेको सूचनामा हकप्रद सेयर निष्काशन गर्ने प्रस्ताव हटाएको थियो ।
पहिला हकप्रद सेयर निष्काशन गर्ने र दोस्रो दिन त्यसलाई हटाएर सेयर बजारमा चलखेल गरेको भन्दै नेप्सेले प्रष्टिकरण सोधेको हो । जवाफमा पुँजी कोष प्रयाप्त नभएर कम्पनीले हकप्रद सेयर निष्काशन गर्ने निर्णय बमोजिम सूचना निकालेको र पछि राष्ट्र बैंकले उक्त प्रस्ताव हटाउन भनेपछि प्रस्ताव हटाएको उल्लेख छ ।
कम्पनीले नेप्सेलाई दिएको जवाफमा निर्णय भएको पहिलो दिन बिदा भएको र दोस्रो दिन सूचना नेप्सेमा अपलोड गर्दा सूचना परिवर्तन गर्नुपर्ने र नेप्सेको पुरानो साविकको किसान माइक्रोफाइनान्सको लगिङ आईडीले काम नगरेको जवाफ रहेको छ । यस्तै नयाँ आईडी लिनु पर्ने भएकोले नेप्सेमा जाँदा ढिला भएको र आइडी पाउने बित्तिकै अपलोड गरेको जनाएको छ । कम्पनीले सेयर कारोबार प्रभावित पार्ने कुनै नियत नभएको जनाएको छ ।
वि.सं.२०७७ चैत १३ शुक्रवार १२:०३ मा प्रकाशित
