काठमाडौं । आज (चैत २६ गते) नागरिक लगानी कोषको १ लाख ३ हजार ७ सय कित्ता संस्थापक सेयरमा आवेदन दिने अन्तिम दिन रहेको छ ।
प्रिमियर इन्स्योरेन्स कम्पनी (नेपाल) लिमिटेडको स्वामित्वमा रहेको उक्त सेयरमा बिहीबार कार्यालय समयसम्म बोलपत्र पेश गर्न सकिनेछ ।
प्रिमियरले आफ्नो स्वामित्वमा रहेको कोषको सेयर चैत ११ गतेदेखि लिलामीमा ल्याएको हो । कोषको संस्थापक सेयरको न्यूनतम भाउ प्रतिकित्ता १३ सय ५० रुपैयाँ तोकिएको छ । लगानीकर्ताले यसलाई आधार मानेर सो वा सोभन्दा बढी भाउ अंकित गरी बोलपत्र पेश गर्नुपर्नेछ ।
लगानीकर्ताले न्यूनतम १०० कित्ता र १० ले भाग जाने गरी अधिकतम सम्पूर्ण कित्ताका लागि पनि आवेदन दिन सक्नेछन् । यसमा बिक्री प्रबन्धक नबिल इन्भेष्टमेन्ट बैंक र प्रिमियर इन्सुरेन्सको केन्द्रीय कार्यालय नक्साल काठमाडौंबाट पनि आवेदन दिन सकिनेछ ।
वि.सं.२०७७ चैत २६ बिहीवार ११:१७ मा प्रकाशित