काठमाडौं । नेपाल धितोपत्र बोर्डको आफ्नै भवनमा बस्ने योजना २८ वर्ष पछि पुरा हुने भएको छ । यसअघि विभिन्न ठाँउमा भाडा तिरेर कार्यालय सञ्चालन गर्दै आएको बोर्ड अब केही समयमा नै आफ्नै भवनमा बस्ने भएको छ ।
त्यसको लागि अहिले जग्गा खरिदको अन्तिम चरणमा पुगेको छ । बोर्डका अधिकारीका अनुसार जिटुजी प्रकृयाबाट सहरी विकास प्राधिकरणको ७ रोपनी जग्गा किनेको छ । उक्त जग्गा नामसारी भएर बोर्डको नाममा आउने क्रममा रहेको छ ।
खरिद प्रकृयाको अन्तिम चरणमा रहेको जग्गा बोर्डको नाममा आएलगत्तै भवन निर्माण प्रकृया सुरु गर्ने बोर्ड स्रोतको भनाइ छ । स्रोतका अनुसार सम्भवत वर्तमान अध्यक्ष भिष्मराज ढुंगानाको कार्यकालमा नै भवन निर्माण सक्ने र आफ्नै भवनबाट काम कारबाही गर्ने तयारीमा बोर्ड रहेको छ ।
यसअघि पनि सेबोनले जग्गा तथा भवन नै किन्न खोजेको थियो । त्यो पुरा हुन सकेको थिएन । अहिले आएर बार्डको २८ वर्ष पुरानो आफ्नै भवनमा रहेर काम गर्ने योजना पुरा हुन लागेको हो ।
वि.सं.२०७७ चैत ३१ मंगलवार १६:४३ मा प्रकाशित