काठमाडौं । बैशाख ३ गते अर्थात आउँदो शुक्रवार रूरू जलविद्युत् परियोजनाको आईपीओ बाँडफाँड हुने भएको छ ।बाँडफाँडका लागि समय निर्धारण नभएपनि शुक्रवार गर्ने तयारी भएको विक्री प्रबन्धक एनएमबि क्यापिटलले जानकारी दिएको छ ।
परियोजनाको आइपीओमा २ करोड ३४ लाख १४ हजार १४० कित्ताका लागि १६ लाख ७० हजार ९११ जनाले आवेदन दिएका छन् ।
अन्तिम दिनसम्ममा यो आइपीओमा २ अर्ब ८० करोड ९६ लाख ९६ हजार ८ सय रुपैयाँको आवेदन परेको बिक्री प्रवन्धकले जानकारी दिएको छ ।
परियोजनाले चैत २० गतेदेखि आइपीओ निष्काशन गरेको थियो । १०० रुपैयाँ अंकित मूल्यमा २० रुपैयाँ प्रिमियम थपेर प्रति कित्ता १२० रुपैयाँमा आइपीओ निष्कासन गरेको हो ।
४ लाख ७ हजार ७०६ कित्ता आइपीओमा ८ हजार १५४ कित्ता कर्मचारी र २० हजार ३८५ कित्ता म्युचुअल फन्डहरुलाई छुट्याइएको थियो । बाँकी ३ लाख ७९ हजार १६७ कित्ता लागि सर्वसाधारणलाई निष्काशन गरिएको थियो ।
वि.सं.२०७७ चैत ३१ मंगलवार १७:२७ मा प्रकाशित