काठमाडौं । कामना सेवा विकास बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ ।
यो अवधिमा बैंकले ५८ करोड ६१ लाख ५६ हजार रुपैयाँ कमाएको छ । जुन गत आवको सोही अवधिको तुलनामा १७२ प्रतिशतले बढी हो । गत आवको सोही अवधिमा बैंकले २१ करोड ५४ लाख ९० हजार रुपैयाँ नाफा आर्जन गरेको थियो । बैंकको वितरणयोग्य नाफा ३८ कराड ८८ लाख ८९ हजार रुपैयाँ रहेको छ ।
१ अर्ब ७ करोड ७६ लाख ७८ हजार रुपैयाँ खुद ब्याज आम्दानी गरेको बैंकको सञ्चालन नाफा ५९ करोड ७७ लाख २७ हजार रुपैयाँ रहेको छ ।
२ अर्ब ६५ करोड १९ लाख ६३ हजार रुपैयाँ चुक्ता पुँजी रहेको बैंकको जगेडा कोषमा ७७ करोड ६८ लाख ५३ हजार ४०२ रुपैयाँ रहेको छ ।
बैंकले चैत मसान्तसम्म ३९ अर्ब २४ करोड ७२ लाख ११ हजार रुपैयाँ निक्षेप संकलन गरेको बैंकले ३६ अर्ब ५५ करोड ६६ लाख ६२ हजार रुपैयाँ ऋण लगानी गरेको छ ।
बैंकको खराब कर्जा १.३७ प्रतिशतबाट घटेर १ प्रतिशत रहेको छ । २९ रुपैयाँ ४७ पैसा प्रतिसेयर आम्दानी रहेको बैंकको प्रतिसेयर नेटवर्थ १४४ रुपैयाँ ३५ पैसा रहेको छ ।
वि.सं.२०७८ वैशाख ५ आइतवार १२:३७ मा प्रकाशित