काठमाडौं । नेपाल स्टक एक्सचेञ्ज (नेप्से)मा दुई बैंकसहित विभन्न चार कम्पनीको ३ करोड ९३ लाख ६१ हजार ५८८ कित्ता सेयर सूचीकृत ।
आइतवार नेप्सेमा इन्भेष्टमेन्ट बैंक, गरिमा विकास बैंक, नागरिक लगानी कोष र साना विकास लघुवित्त वित्तीय कम्पनीको बोनस तथा हकप्रद सेयर सूचीकृत भएको हो ।
जसमध्ये इन्भेष्टमेन्ट बैंकको १३ प्रतिशत बोनस सेयर वापतको १ करोड ८८ लाख ८३ हजार ७५० कित्ता, गरिमा विकास बैंकको १३.५० प्रतिशत बोनस सेयर वापतको ४३ लाख ७२ हजार २३०.७३ कित्ता सेयर सूचीकृत भएको छ ।
यस्तै, नागरिक लगानी कोषको ८२.८४ प्रतिशत हकप्रद बापतको १ करोड ३५ लाख ९२ हजार ५९२ कित्ता हकप्रद सेयर र साना किसान विकास लघुवित्त वित्तीय संस्थाको २५ लाख ५७३. ५६४२ कित्ता बोनस तथा १२ हजार ४४२ कित्ता हकप्रद सेयर सूचीकृत भएको छ ।
वि.सं.२०७८ वैशाख ५ आइतवार १७:४३ मा प्रकाशित