काठमाडौं । चन्द्रागिरि हिल्स लिमिटेडले कोभिड– १९ को भ्याक्सीन लगाउनेलाई केवलकारमा २५ प्रतिशत छुट दिएको छ । उक्त सुविधका लागि खोप कार्ड टिकट काउन्टरमा पेश गर्नुपर्ने छ ।
कोभिड–१९ विरुद्धको लडाइँमा ऐक्यवद्वता जनाउँदै उच्च स्वास्थ्य सुरक्षा सतर्कता अवलम्बनमा सचेतना अभिवृद्विमा उक्त योजनाले सहयोगी भुमिका खेल्ने विश्वास लिएको छ । उक्त योजना वैशाख ०९ गतेबाट शुरू भइ जेठ १७ गतेसम्मको लागि मान्य हुनेछ ।
ऐतिहासिक, साँस्कृतिक तथा प्राकृतिक महत्त्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल तथा रिर्सोट लगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रुपमा विकास गरिरहेको छ ।
वि.सं.२०७८ वैशाख ८ बुधवार १४:२७ मा प्रकाशित
