काठमाडौं । नेपाल बैंकले ‘८.५० प्रतिशत नेपाल बैंक ऋणपत्र २०८७’ निकष्कासन गर्ने भएको छ । बैंकले ३ अर्ब ५० करोड रुपैयाँको ३५ लाख कित्ता ऋणपत्र निष्कासन गर्न लागेको हो ।
३५ लाख कित्तामध्ये २१ लाख बैंक आफैले विभिन्न संघ संस्थालाई बिक्री गने भएको छ भने १४ लाख कत्ति सर्वसाधारणको लागि रहेको छ । सर्वसाधारणलाई निष्कासन गरेको मध्ये ७० हजार कित्ता सामूहिक लगानी कोषका लागि छुट्याइएको छ भने १३ लाख ८५ हजार कित्तामा मात्रै सर्वसाधारणले आवेदन दिन पाउने छन् ।
उक्त ऋणपत्रमा वैशाख २२ देखि छिटोमा वैशाख २६ र ढिलोमा जेठ ५ गतेसम्म आवेदन दिन सकिने छ । यसमा वार्षिक ८.५० प्रतिशत ब्याज पाइने छ । प्रति कित्र्ता १ हजार रुपैयाँ दरले न्यूनतम २५ देखि अधिकतम ३ लाख कित्तासम्म आवेदन दिन सकिनेछ । आवेदन सी–आस्वा सदस्य बैंक तथा वित्तीय संस्थाबाट दिन सकिनेछ भने मेरोसेयर एपबाट पनि आवेदन दिन सकिने छ । यसको बिक्री प्रबन्धकमा नबिल इन्भेष्टमेन्ट बैंकिंङ रहेको छ ।
वि.सं.२०७८ वैशाख १० शुक्रवार ११:३४ मा प्रकाशित