काठमाडौं । हिमायलयन बैंकले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।बैंकले सार्वजनिक गरेको वित्तीय विवरण अनुसार बैंकको नाफा ४४.४४ प्रतिशतले घटेको छ ।
यो त्रैमासम्म १ अर्ब २८ करोड ७१ लाख रुपैयाँ खुद नाफा गरेको छ । गत वर्ष यसै अवधिसम्म कम्पनीको यो नाफा २ अर्ब ३१ करोड ७१ लाख रुपैयाँ नाफा गरेको थियो ।
बैंकको तेस्रो त्रैमाससम्म वितरणयोग्य नाफा ८४ करोड ७६ लाख रुपैयाँ रहेको छ । चुक्तापूँजी १० अर्ब ६८ करोड ४४ लाख, जगेडा कोषमा ७ अर्ब ६७ करोड २६ लाख रुपैयाँ रहेको छ ।
१ खर्ब ३२ अर्ब २४ करोडभन्दा बढी निक्षेप संकलन गरेको छ भने १ खर्ब २१ अर्ब ५६ करोडभन्दा बढी कर्जा प्रवाह गरेको छ ।
यस अवधिसम्म कम्पनीको प्रतिसेयर आम्दानी १६ दशमलव शून्य ६ र प्रतिसेयर नेटवर्थ १७१ रुपैयाँ ८१ पैसा रहेको छ ।
वि.सं.२०७८ वैशाख १४ मंगलवार ११:५१ मा प्रकाशित