काठमाडौं । सेञ्चुरी कमर्शियल बैंकको नाफा ६०.८९ प्रतिशतले घटेको छ । बुधवार बैंकले सार्वजनिक गरेको चालु आर्थिक वर्षको तेस्रो त्रैमासिक वित्तीय विवरणले यस्तो देखाएको हो ।
तेस्रो त्रैमाससम्म बैंकले ३५ करोड ८१ लाख ५० हजार रुपैयाँ नाफा गरेको छ । गत वर्षको सोही अवधिमा बैंकले ९१ करोड ५७ लाख ७९ हजार रुपैयाँ नाफा कमाएको थियो ।
बैंकले ८६ अर्ब ९८ करोड रुपैयाँ निक्षेप संकलन गरी ७३ अर्ब ६६ करोड रुपैयाँ कर्जा प्रवाह गरेको छ । २.१९ प्रतिशत खराब कर्जा अनुपात रहेकोमा चालु आवको सोही अवधिमा २.९६ प्रतिशत पुगेको छ । बैंकको वितरण योग्य नाफा २२ करोड २९ लाख रुपैयाँ रहेको छ ।
बैंकको प्रतिसेयर आम्दानी ५ रुपैयाँ २९ पैसा, प्रतिसेयर नेटवर्थ १ सय १७ रुपैयाँ ८१ पैसा, तरलता अनुपात २६.५५ प्रतिशत र पुँजी कोष अनुपात १२.३३ प्रतिशत रहेको छ ।
वि.सं.२०७८ वैशाख १५ बुधवार ११:३६ मा प्रकाशित
