काठमाडौं । प्राइम लाइफ इन्स्योरेन्स कम्पनी लिमिटेडले आलु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनीले २२ करोड ८६ लाख २५ हजार रुपैयाँ खुद नाफा कमाएको छ । गत वर्षको सोही अवधिको तुलनामा कम्पनीको नाफा २४.८६ प्रतिशतले बढी हो । गत वर्षको तेस्रो त्रैमासमा कम्पनीले १८ करोड ३० लाख ९२ हजार रुपैयाँ नाफा आर्जन गरेको थियो ।
कम्पनीले यस वर्ष बीमा शुल्क आर्जन रकम ३७.८८ प्रतिशतले बढाएको छ । गत वषे २ अर्ब २६ करोड ६ लाख ६८ हजार रुपैयाँ कुल बीमा शुल्क आर्जन गरेको कम्पनीले यो वर्ष ३ अर्ब ११ करोड ७१ लाख ९६ हजार रुपैयाँ कुल बीमा शुल्क आर्जन गरेको छ ।
कम्पनीले चैत मसान्तसम्म कम्पनीले ८७ करोड ३१ लाख ४४ हजार रुपैयाँ कुल दावी भुक्तानी गरेको छ । गत वर्षको सोही अवधिमा ५० करोड ३६ लाख ५१ हजार रुपैयाँ कुल दावी भुक्तानी गरेको थियो । कम्पनीको भुक्तानी हुन बाँकी रकम १ करोड २ लाख ५० हजार रुपैयाँ छ ।
कम्पनीको चुक्तापूँजी २ अर्ब ४१ करोड ७० लाख ५७ हजार रुपैयाँ रहेको छ । जगेडा तथा कोषमा ६२ करोड ५२ लाख ९९ हजार रुपैयाँ रहेको कम्पनीले जीवन बीमा कोषमा १४ अर्ब ३६ लाख १९ हजार रुपैयाँ राखेको छ ।
कम्पनीको प्रतिसेयर आम्दानी १२ रुपैयाँ ६१ पैसा र प्रतिसेयर नेटवर्थ १३१ रुपैयाँ १८ पैसा रहेको छ ।
वि.सं.२०७८ वैशाख २२ बुधवार ११:४२ मा प्रकाशित
