काठमाडौं । युनाइटेड इन्स्योरेन्स कम्पनीले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ । विवरण अनुसार कम्पनीले चैतमसान्तसम्म ५ करोड २७ लाख ५७ हजार रुपैयाँ नाफा कमाएको छ ।
कम्पनीको नाफा गत वर्षको सोही अवधिको तुलनामा ३३५ प्रतिशतले बढी हो । गत वर्षको सोही अवधिमा कम्पनीले १ करोड २१ लाख ३० हजार रुपैयाँ नाफा कमाएको थियो ।
कम्पनीले चालु आवको तेस्रो त्रैमाससम्ममा ८७ करोड ८६ लाख ९८ हजार रुपैयाँ बीमाशुल्क आर्जन गरेको छ । गत वर्षको साही अवधिको तुलनामा कम्पनीको बीमाशुल्क आर्जन ७१ प्रतिशतले वृद्धि भएको हो । गत वर्ष कम्पनीले ५१ करोड २१ लाख ७५ हजार रुपैयाँ कुल बीमा शुल्क आर्जन गरेको थियो ।
चैतमसान्तसम्म ४० करोड ३३ लाख ७ हजार रुपैयाँ कुल दावी भुक्तानी गरेको छ । गत वर्ष १६ करोड ५३ लाख १२ हजार रुपैयाँ कुल दावी भुक्तानी गरेको थियो । तेस्रो मसान्तसम्ममा भुक्तानी हुन बाँकी रकम ६९ करोड १३ लाख २० हजार रुपैयाँ रहेको छ ।
चुक्तापूँजी १ अर्ब २ करोड ८१ लाख रुपैयाँ रहेको छ । कम्पनीले जगेडामा ११ करोड १८ लाख ७२ हजार, बीमा कोष ३३ करोड ३७ लाख ३८ हजार र महा विपत्ती जगेडचामा ६९ लाख १४ हजार रुपैयाँ रहेको छ ।
कम्पनीको प्रतिसेयर आम्दानी ५ रुपैयाँ १३ पैसा, मूल्य आम्दानी अनुपात १३९.७७ र प्रतिसेयर नेटवर्थ १४४ रुपैयाँ ०१ पैसा रहेको छ ।
वि.सं.२०७८ वैशाख २४ शुक्रवार १३:३० मा प्रकाशित