काठमाडौं । चालु आर्थिक वर्षको तेस्रो त्रैमासमा आइएमई जनरल इन्स्योरेन्स कम्पनीले १८ करोड ८५ लाख ४२ हजार रुपैयाँ नाफा कमाएको छ । कम्पनीले सोमबार प्रकाशित गरेको त्रैमासिक वित्तीय अवस्थाले यस्तो देखाएको हो ।
गत वर्षको सोही अवधिको तुलनामा कम्पनीको नाफा ७५.६२ प्रतिशतले बढेको हो । गत वर्ष १० करोड ७३ लाख ५३ हजार रुपैयाँ नाफा कमाएको थियो ।
तेस्रो त्रैमाससम्मा कम्पनीले १ अर्ब १४ करोड १८ लाख ८२ हजार रुपैयाँ कुल बीमाशुल्क आर्जन गरेको छ । यो गत वर्षको सोही अवधिको तुलनामा १५.२३ प्रतिशतले बढी हो ।
गत वर्षको तेस्रो त्रैमासमा कम्पनीको कुल बीमाशुल्क आर्जक रकम ९९ करोड ९ लाख २३ हजार रुपैयाँ रहेको थियो । कम्पनीको जारी बीमालेखको संख्या १ लाख ६ हजार २७१ र नवीकरण गरिएको बीमालेखको संख्या १३ हजार ६६८ रहेको छ ।
तेस्रो त्रैमाससम्म कम्पनीको कुल दावी भुक्तानी रकम ६० करोड २८ लाख १५ हजार रुपैयाँ रहेको छ । भुक्तानी हुन बाँकी दावी रकम भने ६३ करोड ११ लाख ९८ हजार रुपैयाँ देखिएको छ ।
कम्पनीको चुक्तापूँजी १ अर्ब ८ करोड १८ लाख ३६ हजार रुपैयाँ पुगेको छ । जगेडा तथा कोषमा ३० करोड २६ लाख ८७ हजार रुपैयाँ, बीमा कोषमा ४५ करोड ३२ लाख ३४ हजार रुपैयाँ रहेको छ ।
कम्पनीको वार्षिक प्रतिसेयर आम्दानी २३ रुपैयाँ २४ पेसा, प्रतिसेयर नेटवर्थ १६९ रुपैयाँ ८७ पैसा रहेको छ ।
वि.सं.२०७८ वैशाख २७ सोमवार १०:२३ मा प्रकाशित