काठमाडौं । सूर्या लाइफ इन्स्योरेन्स कम्पनीले चालु आर्थि वर्षको तेस्रो त्रैमासिक वित्तीय विवरण सार्वजनिक गरेको छ ।
विवरण अनुसार कम्पनी तेस्रो त्रैमासमा २९ करोड १० लाख ३५ हजार रुपैयाँ नाफा कमाएको छ । जुन गत वर्षको सोही अवधिको तुलनामा ५५.८७ प्रतिशतले बढी हो । गत वर्षको तेस्रो त्रैमासमा कम्पनीले १८ करोड ६७ लाख ८ हजार रुपैयाँ नाफा कमाएको थियो ।
कम्पनीले यस वर्षको कुल बीमाशुल्क आर्जन रकम ८२.२७ प्रतिशतले बढाएको छ । गत वर्षको तेस्रो त्रैमासमा १ अर्ब ८० करोड रुपैया कुल बीमाशुल्क आर्जन गरेको कम्पनीले यो वर्ष ३ अर्ब २८ करोड १८ लाख ४८ हजार रुपैयाँ आर्जन गरेको छ ।
कुल कायम रहेको बीमालेखको संख्या (हालसम्मको) ३ लाख ३२ हजार ६०४ रहेको छ । चैतमसान्तसम्ममा कम्पनीले ५७ करोड ६ लाख ४३ हजार रुपैयाँ कुल दावी भुक्तानी गरेको छ । गत वर्षको सोही अवधिमा कम्पनीले २९ करोड १९ लाख १ हजार रुपैया भुक्तानी गरेको थियो ।
चालु आवको तेस्रो त्रैमाससम्ममा कम्पनीको कुल दावी भुक्तानी हुन बाँकी रकम ३ करोड ६१ लाख ६९ हजार रुपैयाँ रहेको छ । भुक्तानी हुन बाँकी दावी संख्या ९२ रहेको छ ।
कम्पनीको चुक्तापूँजी २ अर्ब २६ करोड २८ लाख ९५ हजार रुपैयाँ पुगेको छ । जगेडा तथा कोषमा ८० करोड ८५ लाख ९१ हजार रुपैयाँ रहेको छ ।
कम्पनीको वार्षिक प्रतिसेयर आम्दानी १७ रुपैयाँ १५ पैसा, प्रतिसेयर नेटवर्थ १३० रुपैयाँ ९७ पैसा रहेको छ ।
वि.सं.२०७८ वैशाख २७ सोमवार १२:३१ मा प्रकाशित
