काठमाडौं । रिलायबल नेपाल लाइफ इन्स्योरेन्सले चालु आर्थिक वर्षको तेस्रो त्रैमासिक वित्तीय अवस्था सार्वजनिक गरेको छ । तेस्रो त्रैमासमा कम्पनीले २० करोड ३४ लाख ४२ हजार रुपैयाँ नाफा कमाएको छ ।
गत वर्षको सोही अवधिको तुलनामा कम्पनीको नाफा २१.७९ प्रतिशतले बढी हो । गत वर्ष १६ करोड ७० लाख २० हजार रुपैयाँ नाफा कमाएको थियो ।
चालु आवको तेस्रो त्रैमासमा कम्पनीले २ अर्ब ३२ करोड ३४ लाख ७३ हजार रुपैयाँ बीमाशुल्क आर्जन गरेको छ । गत वर्षको सोही अवधिको तुलनामा कुल बीमाशुल्क आर्जन ९१.१२ प्रतिशतले बढी हो । गत वर्षको तेस्रो त्रैमासमा १ अर्ब २१ करोड ६५ लाख ७३ हजार रुपैयाँ बीमाशुल्क आर्जन गरेको थियो ।
चैतमसान्तसम्म कम्पनीको कुल दावी भुक्तानी रकम ४७ करोड ८९ लाख २८ हजार रुपैयाँ रहेको छ । भुक्तानी हुन बाँकी दावी रकम देखिएको छैन ।
कम्पनीको चुक्तापूँजी १ अर्ब ४० करोड रुपैयाँ रहेको छ । जगेडा तथा कोषमा ८२ करोड ३२ लाख ९१ हजार रुपैयाँ र जीवन बीमा कोषमा २ अर्ब ३७ करोड २१ लाख ४४ हजार रुपैयाँ रहेको छ ।
कम्पनीको प्रतिसेयर आम्दानी १९ रुपैयाँ ३८ पैसा रहेको छ । प्रतिसेयर नेटवर्थ १६४ रुपैयाँ ३५ पैसा रहेको छ ।
वि.सं.२०७८ वैशाख २८ मंगलवार १०:५२ मा प्रकाशित
