काठमाडौं । एनआरएन इन्फ्रास्टक्चर एण्ड डेभलपमेन्ट लिमिटेडले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको विवरण अनुसार तेस्रो त्रैमासम्म १ करोड ७२ लाख १२ हजार रुपैयाँ नाफा कमाएको छ । कम्पनीको नाफा गत वर्षको सोही अवधिको तुलनामा ८७.८८ प्रतिशतले वृद्धि भएको हो ।
गत आवको तेस्रो त्रैमासमा कम्पनीले ९१ लाख ६१ हजार रुपैयाँ नाफा कमाएको थियो । तेस्रो त्रैमाससम्म कम्पनीको आम्दानी २ करोड ९७ लाख ६ हजार रुपैयाँ पुगेको छ । गत वर्षको सोही अवधिमा कम्पनीको कुल आम्दानी १ करोड ९५ लाख ६४ हजार रुपैयाँ रहेको थियो ।
कम्पनीको चुक्तापूँजी १ अर्ब १६ करोड ४९ लाख ६३ हजार रुपैयाँ पुगेको छ । जगेडामा १ करोड ८९ लाख ८८ हजार रुपैयाँ रहेको छ ।
कम्पनीको प्रतिसेयर आम्दानी २ रुपैयाँ ९७ पैसा, मूल्य आम्दानी अनुपात २६१ रुपैयाँ ४१ पैसा र प्रतिसेयर नेटवर्थ १०१ रुपैयाँ १६ पैसा रहेको छ ।
वि.सं.२०७८ वैशाख २८ मंगलवार १४:२२ मा प्रकाशित