काठमाडौं । नागरिक लगानी कोषले चालु आर्थिक वर्षको तेस्रो त्रैमासमा ५९ करोड २० लाख ९ हजार रुपैयाँ नाफा आर्जन गरेको छ ।
जुन गत आवको सोही अवधिको तुलनामा ५६.०३ प्रतिशतले बढी हो । गत आवको सोही अवधिमा कोषले ३७ करोड ९४ लाख रुपैयाँ नाफा आर्जन गरेको थियो । नौ महिनाको अवधिमा कोषको सबैखाले आम्दानी बढेको छ ।
यो अवधिमा कोषको ब्याज आम्दानी १८ करोड २१ लाख ६३ हजार रुपैयाँ पुगेको छ गत गत आवको सोही अवधिमा ५ करोड ७८ लाख रुपैयाँ मात्रै खुद ब्याज आम्दानी गरेको थियो । कम्पनीको सेयर पुँजी ३ अर्ब रुपैयाँ रहेको छ ।
कोषले मुद्दति निक्षेपमा ९८ अर्ब १४ करोड ६१ लाख ७३ हजार रुपैयाँ राखेको छ भने संगठित संस्थाको सेयरमा १३ अर्ब ६० करोड ७३ लाख ७ हजार रुपैयाँ लगानी रहेको छ । प्रतिसेयर आम्दानी वार्षिक २६ रुपैयाँ रहेको कोषको प्रतिसेयर नेटवर्थ १५६ रुपैयाँ रहेको छ ।
वि.सं.२०७८ जेठ ४ मंगलवार १०:०९ मा प्रकाशित