काठमाडौं । अर्थमन्त्री विष्णुप्रसाद पौडेलले चालु आर्थिक वर्ष २०७७-७८ मा कोरोना महामारीका कारण ४.१ प्रतिशत आर्थिक वृद्धि गर्न चुनैती पुर्ण हुने बताउनु भएको छ ।
अर्थ मन्त्रालयले आर्थिक वर्ष २०७७-०७८ को आर्थिक सर्वेक्षण तथा सार्वजनिक संस्थानहरुको बार्षिक स्थिती समिक्षा सार्वजनिकीकरण कार्यक्रममा उहाँले यस्तो बताउनु भएको हो ।
कोरोनाको दोस्रो लहर सुरु नभएको भए सरकारले राखेको लक्ष्य हासिल गर्न सकिने भएपनि अब त्यो सम्भव नभएको उहाँको दाबी छ । फागुनसम्म ४.४ प्रतिशत पुग्ने अवस्थामा भएपनि दोस्रो लहरका कारण उक्त लक्ष्यमा पुग्न समस्या हुने भएको हो ।
अहिले शोधानान्तर, रेमिट्यान्स आप्रवाह राम्रो भएपनि आर्थिक वृद्धिदरको लक्ष्य अनुसार हुन नसक्ने भएको हो । आर्थिक वृद्धि लक्ष्य अनुसार नभएपनि डराउनु पर्ने अवस्था नभएको उहाँको भनाइ छ ।
वि.सं.२०७८ जेठ १४ शुक्रवार १४:४९ मा प्रकाशित